പുതുപ്പള്ളി ഗ്രാമപഞ്ചായത്ത് - കാഴ്ചപ്പാടും ദൌത്യവും
കാഴ്ചപ്പാടും ദൌത്യവും
കാഴ്ചപ്പാട് (VISION)
"പുതുപ്പള്ളി ഗ്രാമപഞ്ചായത്തിന്റെ സമഗ്രവികസനം ലക്ഷ്യമാക്കി കേരള സംസ്ഥാന സർക്കാരിന്റെയും തദ്ദേശസ്വയംഭരണ വകുപ്പിന്റെയും ജില്ലാ, ബ്ലോക്ക്, ഗ്രാമപഞ്ചായത്ത് തലങ്ങളിലെ സ്ഥാപനങ്ങളുടെയും പൂർണ്ണ സഹകരണം ഉറപ്പുവരുത്തിക്കൊണ്ട്, പൊതുജനങ്ങൾ നിർദ്ദേശിക്കുകയും ഭരണസമിതി അംഗീകരിക്കുകയും ചെയ്യുന്ന സാമൂഹ്യക്ഷേമ, ശുചിത്വ, ആരോഗ്യ, വിദ്യാഭ്യാസ, വികസന പദ്ധതികൾ ഫലപ്രദമായി നടപ്പിലാക്കുക. അജൈവ മാലിന്യ മുക്ത പ്രവർത്തനങ്ങൾ, മണ്ണ്-ജല സംരക്ഷണ പരിപാടികൾ, വിവിധ സർക്കാർ പദ്ധതികൾ, പൗരാവകാശരേഖ പ്രകാരമുള്ള സേവനങ്ങൾ എന്നിവ ജീവനക്കാരുടെ സജീവ സഹകരണത്തോടെ ശുപാർശകളില്ലാതെ, സുതാര്യമായും ക്രമപ്രകാരവും കൃത്യസമയത്തും ജനങ്ങളിലെത്തിച്ച് അവരുടെ സംതൃപ്തി ഉറപ്പാക്കുക. ഇതിലൂടെ പഞ്ചായത്തിലെ ജനങ്ങളുടെ സർവതോമുഖ പുരോഗതി നിരന്തരം മെച്ചപ്പെടുത്തുകയും ‘മാലിന്യമുക്തവും ശുചിത്വസമ്പന്നവുമായ പുതുപ്പള്ളി’ എന്ന ലക്ഷ്യം കൈവരിക്കുകയും ചെയ്യുക."
വിഷൻ പ്രസ്താവന
"ജനപങ്കാളിത്തത്തോടെ സുസ്ഥിര വികസനം കൈവരിച്ച്, ശുചിത്വവും സാമൂഹികനീതിയും ഉറപ്പുവരുത്തുന്ന സ്വയംപര്യാപ്ത ഗ്രാമസമൂഹം സൃഷ്ടിക്കുക."
പുതുപ്പള്ളി ഗ്രാമപഞ്ചായത്തിന്റെ ഗുണമേന്മാ ലക്ഷ്യങ്ങൾ (MISSION)
വികസന പദ്ധതികൾക്ക് പ്രവർത്തന കലണ്ടർ തയ്യാറാക്കി, നിശ്ചിത സമയക്രമം പാലിച്ച് പദ്ധതികൾ പൂർത്തിയാക്കുക.
പൗരാവകാശരേഖ പ്രകാരമുള്ള സേവനങ്ങൾ നിശ്ചിത സമയപരിധിക്കുള്ളിൽ ലഭ്യമാക്കുകയും സേവന വിതരണം കൂടുതൽ കാര്യക്ഷമമാക്കുകയും ചെയ്യുക.
ബജറ്റ് പ്രകാരം ലഭിക്കേണ്ട നികുതിയുടെ 100 ശതമാനം സാമ്പത്തിക വർഷാവസാനത്തിന് മുമ്പ് പിരിച്ചെടുക്കുകയും ഈ നേട്ടം തുടർച്ചയായി നിലനിർത്തുകയും ചെയ്യുക.
ശുപാർശകളില്ലാതെ, സുതാര്യമായും ക്രമപ്രകാരവും കൃത്യസമയത്തും സേവനങ്ങൾ നൽകിക്കൊണ്ട് പൊതുജനങ്ങളുടെ പരമാവധി സംതൃപ്തി ഉറപ്പാക്കുക.
ലഭിക്കുന്ന പരാതികൾക്ക് ഏഴ് ദിവസത്തിനകം പരിഹാരം കണ്ടെത്തി തീർപ്പാക്കുക.
ക്ഷേമപെൻഷൻ അപേക്ഷകൾക്ക് മുൻഗണന നൽകി സമയബന്ധിതമായി പരിഗണിക്കുകയും നടപടികൾ പൂർത്തിയാക്കുകയും ചെയ്യുക.
‘എന്റെ സുന്ദര ഗ്രാമം’ പദ്ധതിയിലൂടെ പുതുപ്പള്ളി പഞ്ചായത്തിനെ സമ്പൂർണ മാലിന്യമുക്ത പഞ്ചായത്തായി മാറ്റുക.
ഗുണമേന്മാ നയ പ്രഖ്യാപനം
"ജനകീയ പങ്കാളിത്തം, സുതാര്യത, കാര്യക്ഷമത, സമയബന്ധിത സേവന വിതരണം എന്നിവ ഉറപ്പാക്കി, സാമൂഹ്യക്ഷേമം, വികസനം, ശുചിത്വം, പരിസ്ഥിതി സംരക്ഷണം എന്നീ മേഖലകളിൽ മികവ് കൈവരിച്ച് ജനങ്ങളുടെ സംതൃപ്തി ഉറപ്പാക്കുകയും സമ്പൂർണ മാലിന്യമുക്തവും വികസിതവുമായ പുതുപ്പള്ളി ഗ്രാമപഞ്ചായത്ത് സാക്ഷാത്കരിക്കുകയും ചെയ്യുക."
